Na Caleya Castrillón (Hispano) 19-11-06

Tocaba otru viaxe, otru partíu de los nuesos fuera de Ganzábal onde los xugaores teníen la obligación de dar la talla ganando comu fuese, ya comu nun podía ser d´otra malnera los dixebriegos desplazamonos fasta Ferrota pa intentar day animos a un equipu, que ya sea por falta de confianza, de suerte, o d´otres coses nun ta dando de sí lo que s´espera d´el.

A eso de les 4 y 10 colos retrasos típicos d´unos mínutos (comu si de Barajas se tratara) saliose pa Castrillón comentando l´actualidá del club ya temes varios que ficieron qu´el viaxe pareciera que duraba muncho menos, notase cuando se van unos cuantos xuntos y non ca ún a nuesa bola, asina pues aconseja-y al conductor que prenda les lluces si ta mui oscura la carretera, nun se de que me suena esta hestoria J .

Llegamos a Castrillón garramos les bufandes y pa dientru´l campu onde comu ya ficieron l´añu pasáu cobraronnos diez €uros d´entrá única comu si nel Mini-Estadi tubieramos, aunque viendo los precios que tan cobrando en Ganzábal tampoco ye que podamos deciyos na a naide. Poco públicu en Ferrota pero comu siempres podemos dicir que la mayoría aficionaos al Llangréu, too tien una bona llectura.

Avituallamientu nel chigre del campu ya pa la grada a ver si d´una vegada los nuesos consiguíen una victoría. Pitíu inicial del colexiáu con nome raru (xurovos que diba escribilu pero nun m´alcuerdo) y los nuesos entamaron a tener la pelota ya facer ocasiones de gol sobre too por medio del “Gallegu”, de Carly ya de Saúl. Una vegada más nun tubimos suerte cara al gol y munchos ya entamaben a facer cálculos de lo que podía pasar esta selmana.

Nel descansu camudamos de grada pa ver l´ataque de los nuesos pa ver si asina metiemos un gol ya a pol avituallamientu otra vegadá al chigre, vaya negociu que tienen con nos, y eso que dalgunos nun diferencien la Mahou d´otra cerveza. Rises con Fermín que a los 40 sigue siendo un crack (incluso dalgunu quería convidalu a tomar daqué nel chigre lluéu) y cuando menos mos lo esperábamos Piero que taba faciendo un gran partíu sacó un tremendu disparu dende fuera´l área que cuelase pola escuadra faciendonos tornar a saltar comu lo faziemos la temporá pasa con los goles de los nuesos ya con cellebración del mesmu con nos, detalle que comu siempres dende equí agradecemosi, presta güeyar qu´estes coses entamen a ser habituales cola plantilla.

Coles clases de “pronunciation” d´inglés que nos brindó un dixebriegu prosiguió´l partíu y saltó al campu un vieyu conocíu nuesu, Chuky el ex del Tiuya que n´alguna ocasión pusonos nerviosos cola so velocidá. Dalgunos nun veímos muy clara la victoria, Ferrota siempres ye un campu per difícil y poco dempués de que un dixebriegu dixera que´l partíu diba empatar a unos, alredior del 91 o 92 del partíu, penalti a favor del Hispano que facienos echar a toos les manos a la tiesta, y más viendo que lu iba tirar un especialista comu Fermín que de xuru tenía ganes de comentanos daqué. Mínutos eternos ya la situación finó col paradón de Gonzalo a la paradinha de En-Fermo y cola allegría y botes de tolos llagreanos ellí presentes. Ensalzar de pasu el partidazu de Gonzalo, nun solo nel penalti, salvamos del gol n´unes cuantes ocasiones clares ya ta claro que ta respondiendo a la oportunidá que i ta brindando Juanjo con sobresaliente, 1 gol en cuatro partíos, pocos porteros puen dicir lo mesmo.

Pitíu final ya pal coche a escuchar la radio a ver que resultaos había pudiendo escuchar por fin que los tres puntos llevábamoslos nos. Rumbu a Llangréu entre rises de nuéu y comu dicien n´algun fanzin de fae un añu, tres puntinos si, pero sobre too buen viaxe en bona compañía dixebriega.

Vemonos nel prósimu viaxe a pesar de que seya bien lexos, Pravia. Nos nun vamos fallar de xuru, esperamos que los nuesos nun nos fallen a nos tampocu

Salú ya la Caleya ye nuesa

[ volver ]