Na Caleya Guijuelo 04-06-06

Dempués d´una tarde del llunés caracterizá poles llames de unos ya otros dixebriegos pa enterase de quién yerá el rival de promoción entamose dende Dixebra Popular a organizar el viaxe poniéndose en contautu con tolos socios de la peña pa ver cuantos dibemos dir ya en que dir, decidiendo finalmente dir en bus colos demás socios del club la gran mayoría mientres dalgunu prefirió desplazase en coche particular. Los 2 buses gratuitos (de 3 €uros) que puso l´Ayuntamientu a dimposición del club llenaronse rapidamente ya paecía que la xente taba muy anima col viaxe ya col equipu.

Partiose a eso de les 10 de la mañana del domingu con un sol radiante en toa Asturies ya con una puntualidá inesperá de tolos dixebriegos ya ensin baxes, un 10 pa toos ya toes. Toconos el bus númeru 2 y les primeres hores del viaxe tuvieron caracterizaes pola llectura de tou tipu de periodicos que llué pasarien a ser confetti ya algún qu´otru canticu de Los Berrones col que nos deleitaron dos dixebriegos. Primera pará a les 12 pa tomar un tentempié ya pal bus que tovía queda munchu camín.

Pasaba ya pasaba el tiempu en eses carreteres tan llargues desértiques ya paecía que nun s´avanzaba fasta que vimos el cartelu de Guijuelo a 30 kilómetros a eso de les 2 y media. Primer percance del día: los chóferes deciden parase en dos restaurantes en medio la na (4 no se qué se llamaba el pueblu) onde unu teníen comuniones ya nel otru taba petáu. La xente comu ye normal dixo-yos que tiraran pa Guijuelo que tabemos al llau, cola negativa ya les males contestaciones d´estos dos conductores (taba claro qu´ellos comíen gratis ellí y dava-yos igual lo que dixiera la xente). Dalgunos decidieron coxer taxis ya dir pa Guijuelo ya otros quedamos ellí comiendo algo (bocadillos de “chori” o de xamón mayormente) o bebiendo (siendo la seguanda opción la que más adeptos captí). Rises coles camareres (vaya como taba´l serviciu) ya cerveza y jarres de vinu pa intentar olvidáse del calorón que facía combinao con dalgún qu´otru cánticu. Pasaron dos hores más o menos y cola xente “en su puntu” partiose pa Guijuelo llegando ellí hora y media antes del partíu y munchos, por no decir toos quedámonos ensin ver Guijuelo porque los chóferes queríen comer de papu.

Ellí segundu sustu: cartelu que ponía que les entraes valíen 20 €uros pa los non socios del Guijuelo aunque si ye verdá que lluéu cobrarónnos como si fueramos socios (15 €uros los homes y 10 les muyeres, una autenticá barbaridá de toles maneres). Dalgunos entraron cola entrá de muyer, otros colá de dalgún xugaor que se acordó de nos ya otros decidieron colase nel campu por complicao que pareciera. Colgaronse toles pancartes, repartieronse les banderes ya el confetti y ovación a los xugaores cuando salieron a calentar. Xuntamos en aquelles grades unos 300 llangreanos con ganes de ver al equipu ganar.

Entamaba´l partíu colos nuesos cánticos y con toles banderes desplegaes que acompañaes del confetti paecía que tabemos xugando en casa. La primera parte muy aburría y con dalguna qu´otra ocasión de gol del Guijuelo sin complicaciones pa Pinel. La xente animó muncho, polo menos la nuesa grada ya descansu pa aclarar la garganta nel chigre del campu.

Nel entamu la seguanda parte paecía que´l Llangréu había acomodaose más nel campu ya entamaba a atacar más ya a movése muncho más poles bandes pero sin goles. A falta 20 mínutos una xugá pola banda en fuera xuegu clarísimu (dende la nuesa zona viose claramente) y finá col primer gol del Guijuelo. Mazazu duru pa tolos llangreanos ellí presentes pero a pesar de too siguiose animando comu si nun pasara na. El Llangréu en esi momento tirase a pol gol teniendo buenes ocasiones pero llamentablemente ensin materializar. A falta de 5 mínutos una xugá pol medíu ya otra vez el típicu que tira dende un pocu más allá del mediu del campu y enchufa otru gol pal Guijuelo col posterior 2-0 final. La xente muy desanimá y col recuerdu na tiesta de Bouzas onde tamién ma seguanda mitá repitiese esti resultáu.

Marchose del campu colá mirá al suelu y cola xente muy desanimá, tantos kilómetros que ficimos (ya nun solo´l domingu, si non tola temporá) pa lluéu llevar un mazazu comu esi, aunque intentando danos cuenta que tovía quedaben 90 mínutos nel Florán por xugar. Pa Llangréu otra vegada coles oreyes baxes ya ún de los autobuseros que se pon faltosu con un dixebriegu. Ehí ya la xente entamó a calentase ya la situación finó yéndosenos de les manos faciéndo coses que nun teniemos que facer col enfadu correspondiente del nuesu chófer. Los que diben nel bus númberu 2 con nos ya saben de que tamos falando y pedimos perdón por ciertes coses que ellí pasaron, pero tamién hay qu´entender lo que había pasao tol día y comu tabemos.

Aclararonse les coses ya rumbu pa casa con otra pará nel mesmu sitiu onde paramos pa dir pa comer daqué y pa Llangréu llegando a les 3 de la mañana y esperando que llegué esti domingu, y poder ver comú los xugaores daní la vuelta a la tortiella, ta claro que dende la grada nun i faltara apoyu, que puean dicir que tienen meyor equipu vale, pero lo que nun van poder dicir nunca ye que tienen meyor afición. Olvidaránseme munches coses de les que pasaron pol viaxe, pero fo-y un día muy llargu y nun finó de la meyor forma que hubiere sío cola victoria de los nuesos.

Un 10 a tolos desplazaos a Guijuelo, la afición tuvo a la altura de les circunstancies, en viaxes comu estos demuestrase la grandeza d´un club.

Salú ya la Caleya ye nuesa

[ volver ]