Na Caleya Piedres Blanques (Hispano) 09-10-05

Sétima xorná de lliga, la cual llevónos al campu de La Ferrota pa enfrentamos al Hispano o Hispania como dalgunos-y llamen,

Llegemos en 2 coches (otra vez que somos 4 gatos) a eso de les 4:30, dempues de que un descerebrau valiente que diba nun coche nos alegara diciendo que nun dibemos salir d’ellí vivos, tenía tola razón del mundiu esti borrego (uhh que mieu los ultras del Uvieu).

Entremos al campu pagando como si fuese la Champions League y situémonos na grada preferencia, bueno meyor dicho la unica grada, a la par del chigre, pero comu’l clavel de la grada ya foi considerable pasemos de dexar la paga’l mes a esos caraduras y solamente tomose una consumición, deseando tomar más pa pasar el mal tragu del resultau.

Empecemos bien xugando, tocando per bien la bola ya oportunidaes per clares que nun tornabense en gol, con la mecha mui moyá por parté Santi Mígüelez ya Lobera que nun vieron puerta en tol partíu, al igual de Castaño (ande andará la Castaña...) que nun enterose d’una.

Cuandu creíase nel cerocerismo, una xugá pola banda de Titi (el meyor del partíu, pese-y a quien pese-y de la peña) plantase dellantre’l porteru ya mete-yla bola na rede mediante una preciosa ya precisa vaselina. Llegabase’l terminu de los primeros 45 minutos con 1-0, quedaba la segunda parte.

Nos 45 caberos minutos paecía que too diba ser igual, pues empezó con un monogu del UPLL que minutu a minutu desaprovechaba multitú de oportunidaes, Jonás, Lekumberri (gol anulau), Lobera, Mígüelez..... Toos fallaben menos el Hispano qu’en la unica xugá que llogró llegar al nuesu area metiola, faciendo lo que tol mundiu pensaba el empate que mos privaría de ser llideres en solitariu.

La moralexa del asuntu ye que tantu va’l cantaru a la fonte que acabarase ñascando, al mio xuiciu foi un partiu normal del equipu pero que nun pudo materializar les oportunidaes en gol ya esu marco’l devenir del partíu.

Al finar el partíu tornemos pa casa cola desilusión d’haber perdío 2 puntos ya 10 €lviros pero cola allegría d’escuchar que’l Uvieu había perdío col Barakaldo.

Salú ya la Caleya ye nuesa

[ volver ]