Na Caleya Mieres 11-03-07

Esti domingu tocaba un de los desplazamientos más prestosos pa tou aficionáu al Llangréu, yera´l derby escontra´l Caudal de Mieres onde comu en tou partíu nel que el Llangréu xuega comu visitante dimonos cita tolos dixebriegos pa animar a los nuesos en un partíu nel que taba en xuéu muncho más que la simple piquilla entre aficiones, taben en xuéu tres puntos que podíen metenos de lleno nos puestos de promoción y que en casu de consiguilos seríen tou un impulsu moral pa la nuesa plantilla n´estos duros momentos pa ellos pol tema económicu.

A eso de les 4 de la tardi quedábamos la mayoría de los dixebriegos (otros taben ya en Mieres callentando´l partíu) nel parking de Ganzábal pa dir organizándonos nos coches y entamar el desplazamientu. Carretera Minera pa lantre y llegá a Mieres en cero coma. Per bon ambiente nos aledaños con muncha xente cola camiseta famosa de “El Caudal somos toos” y munchos llangreanos nes taquilles del Hermanos Antuña dispuestos a animar a un Llangréu que necesitaba más que nunca l´apoyu de la so afición. Enantes de entamar el partíu los equipos filiales del Caudal, el propiu Caudal y el Unión saltaron al campu con la camiseta, semeyes pa la prensa y pitíu inicial a les 5 menos 5 de la tardi garrando tobía a muncha xente na entrá y na taquilla. Respecto al tema del preciu de les entraes el Caudal nun pudo facelo de meyor manera: entraes barates pa un partíu en que de xuru sabíen que diben tener xente si nun poníen los precios disparataos y el resultáu fue el de unos 1500 espectadores nes graes del ya vetustu campu que de xuru dexaron un bon pellizcu nes arques del club mierense. A ver si la nuesa direutiva entama a tener en cuenta estos detalles y dexen de facer el boborolo (agora que ta tan de moda esta pallabra gracies al gran Henry Felgueroso) poniendo les entraes d´equí a precios casi de segunda división, lluéu quexáremonos de que nun vien xente al campu y demás coses, agora a ver a quien i echen la culpa d´esto. Pero vamos al tema del partíu que ye lo que nos interesa.

Entamaba´l partíu y pocu a pocu fuimos xuntandonos na grada tolos llangreanos (asina da gustu) pa animar a los nuesos y el partíu entamaba con aiciones d´un equipu y d´otru, taba claro que había ganes por adellantase nel marcaor. La xente animando y el Llangréu xugando bien y con muches ganes fasta que nel minutu 15 de la primera parte llegó la primera allegría col tantu de Santi Miguélez (quien diba ser si non) cola allegría xeneralizá de tolos ellí presentes. Miguélez aprovecho el gol pa dedicalu a la grada y dende esi momentu n´adelantre el Hermanos Llana fo-y un cementariu y solo se oíen los cánticos de unos llangreanos que dirixíos por DP dieron collor y calor al unos xugaores que merecenlo too.

Lexos de conformase col resultáu l´equipu vinose pa llantre con garra y de nuéu Santi Miguélez marcaba´l que sería´l caberu tantu que subiría al marcaor de nuéu dendicandolu a la grada y colos saltos de toos faciendo que dalgunu tuviera que saltar al campu pola bufanda porque les emociones ye lo que tienen. Enantes de finar la primera parte roxa pa Jonás González y descansu onde la xente aprovechó mayormente el bar del campu pa garrar “refrigerios” pa poder dar el do de pechu na seguanda parte dende la grada.

Coles grandes nos dos bares del campu y pitíu inicial otra vegada. Dende la grada siguió animándose más si cabe que na primera parte disfrutando del bon xuéu y la actitud de los nuesos a pesar de tar con unu menos. El Caudal a pesar de ser el líder de la tercera desmostronos que nun tenemos na que envidia-yos y que tenemos equipu de sobra p atar encima d´ellos. La animación na grada fue la meyor de tola temporá con diferencia y ye que tar tolos aficionaos del Llangréu xuntos y glayar toos a la vez da resultáu, y eso comentaronoslo dalgún que otru xugaor agradeciendonos l´apoyu mostráu. Final del partíu resistiendo el resultáu y victoria tantu nel campu tanto na grada por Llangréu.

Destacar el bon ambiente reinante na nuesa grada tol partíu y ye que últimamente la cosa entre toos nun pue tar meyor, un 10 pa toos. El equipu y el cuerpo teunicu despidiose de la afición dende´l mediu del campu con aplausos facia la grada y sobre too con un Unión ya metíu en promoción a pesar de tener un partíu menos.

La actitud de los xugaores simplemente excelente (dende´l primeru fasta´l ultimu), notase munchísimo en tolos partíos la mano de Daniel nel equipu (En Suárez confiamos), y dende equí quiero davos les gracies a tolos dixebriegos y a tolos aficionaos al Unión que n´esti partíu compartimos grada, cánticos, rises y allegría por ver que finalmente el nuesu equipu del alma faenos tornar a suañar con un ascensu que fae unos meses parecía una utopía.

Comu dicía dalgunu, 11 años dempués la hestoria continua, próximamente nos meyores graes. Vemonos nel prósimu viaxe xente, y que dalguien s´alcuerde de llevar la cinta aisllante que notose que faltó l´encargáu d´ella.

Salú ya la Caleya ye nuesa

[ volver ]