Na Caleya Noreña 22-10-06
)
Tocaba tornar a madrugar (o a allargar la nueche del sábadu, opción escoyía por unos cuantos dixebriegos) pa ver a los nuesos n´esta ocasión escontra´l Condal de Noreña nel coquetu Alejandro Ortea. Entraes a 10 €uros y pa dientru, viendo lo que tan cobrando en Ganzábal n´estos caberos partíos paez que les entraes a 10 €uros tan entamando fasta a gustanos, que cara ta la vida.
Muncha xente dientru´l campu pa ver un partíu que prometía y bastante xente desplazá dende Llangréu entre los que comu siempre tabamos Dixebra Popular, otra vegadá más ensin pancarta y es que estos fines de selmana con madrugón pa dir al fúbol maten-nos, lo que nun quier dicir que nun vayamos a tar presentes.
Entamaba´l partíu y les coses nun pintaben na bien con los xugaores muy desconcentraos ya descolacaos y teniendo bastantes fallos faciendonos a toos esperar lo peor del encuentru. Y asina fue, alredior del mínuto 20 el Condal adelántase nel marcaor y decepción de tolos ellí presentes que veíemos que nun había malnera de superar el bache nel que ta´l equipu. Con una mala imaxen y con la deseventaxa nel marcaor llegose´l descansu onde dalgunos fuimos a por algo suave pal estomagu ya otros a polos típicos pinchos del Alejandro Ortea que añu a añu ganen más adeptos nos dixebriegos, nun sabemos que tendrá esi bacón pero gusta-y a tol mundiu, la xente pedialos de dos en dos.
Debe ser la nuéa seguanda equipación que tien poderes especiales porque´l igual que pasara en Xixón escontra´l Sporting B llevando esa camiseta los nuesos dieron-y la vuelta´l partíu, y ya non solo eso, meyoraron munchísimo el xuéu ya la imaxen que habíen dexao na primera parte. Na más retomar el partíu ya se veía munchu movimientu nel banquillu y ficieronse dalgunos cambios, siendo´l de Carly el que sería determinante nel devenir (¿dizse asina?) del partíu.
Nun sabemos que pasó nel vestuariu pero el xuéu del Unión tornaba a ser buenu tras pasar per ellí, l´equipu facía aiciones pola banda y pol cientru creando munchos problemas a la defensa del Condal ya poniendo muy nerviosu al porteru noreñés que más que dicir que non cola tiesta nun facía. Un centre de Carly fae que Santi Miguélez meta el primer gol en plancha cola tiesta y faciendo un xestu de ánimu a nos, detalle que dende equí agradecemosi. Cola remontá entamosé a animar más y la xente tamién s´animaba con les palmes.
El Condal desaparecía del partíu y el Llangréu mostraba les sos armes con un Gustavo que a pesar de que tuvo ocasiones nun tubo acertáu cara´l gol.
N´una xugá Carly desmarcase pola banda, alzá la tiesta y ve´l desmarque de Juanín (Zinedine) poniendo-y un centre perfeutu pa rematar cola tiesta tamién que tolos llangreanos dende grada ficimos fasta´l moviemientu d´empuxalu y Juanín manda´l balón al fondu de la portería suponiendo esto la remontá y la allegría de tolos llangreanos presentes nel Ortea. Nun finaría equí la allegría, al menos pa nos, porque Juanín vino con nos tamién a cellebralu dándonos un abrazu que dende equí queremos agradecer el detalle d´alcordase de nos, grande Juanín Zinedine. A parte de a él a tol equipu en xeneral hay que dayos les gracies porque paez qu´estes coses entamen a repetise y presta saber que´l ánimu que das dende la grada ye recompensáu. Lo dicho, gracies y esperemos que siga asina.
Pocu dempués final del partíu y pa casina a disfrutar de la victoria y la “seición doblete” a dormir un pocu qu´estos partíos matinales tan dexándonos K.O. Aparte de los aficionaos del Condal hubo otru “entendíu” del fúbol que marcho tristón pa casa y col rabu entre les pates: Baragaño sentimoslo muncho nun habete podía brindar una allegría pa ti tamién, tu sigue a lo tuyo.
Un saludu pa tolos dixebriegos desplazaos a Noreña y n´especial a los qu´entamen a ser habituales en tolos partíos del Llangréu. A los de siempres nun vos digo na porque gracies a vosotros esto sigue vivo y sabéislo. Agora toca animar, el nuesu equipu nun pue tar nes posiciones que ta y nel campu nun pue faltayos apoyu nuesu, vemonos n´Uviéu escontra´l Cuadonga.
Salú ya la Caleya ye nuesa
[ volver ]