Na Caleya Avilés (Avilés Industrial) 30-04-06

Partíu a les 7 de la tardi d´un domingu nel que al díi siguiente había puente por eso de ser primeru de mayu, día de los y les trabayaores, y que yera acompañau fasta pol bon tiempu. Paecía que nun podía fallar na pa vivir un bon ambiente de fúbol nel Sánchez Puerta.

Partimos d´equí a eso de les 6 menos algo de la tardi pero tuvo que dase la vuelta a casa a por daqué que había dexao ciertu dixebriegu en casa, primer y últimu sustu del viaxe, y eso que pa volver yerá de nuechi…jurjurjur. A les 6 y media depués de dar unes vueltuques turístiques (nun ye que nun encontraramos bien l´aparcamientu, que quede claro) llegamos al campu onde taben esperándonos los collacios de Herri Norte Avilés (Hinches del Athletic) colos que pasamos tol partíu ya compartimos rises ya hestories.

Algo raro pasaba ya que la hora del partíu diba llegándo ya ni los habituales dixebriegos en los desplazamientos llegaben, ni la propia xente del Avilés llegaba. El comentariu que más se oyó na nuesa zona fue “onde ta la xente” pero a pesar de nun ser munchos los desplazaos dende Llangréu colgose la pancarta como se pudo (notase que nos marcho pa Catalunya l´encargáu de la cinta) y con un ambiente mui mui fríu entamo´l partíu.

El partíu entamo per bien pa nos con un gol de Teto a los 19 minutos y con un equipu que paez que va tornando a ser lo que nos tenía acostumbraos na primera vuelta. Con un dominiu claru del Llangréu llegose al descansu onde algunos decidieron dir al bañu ya otros a comprar, pero el Sánchez Puerta ya nun tien bares y tubimos que salir fuera del campu a pedir lo que quisiéramos, si si, fuera del campu…

La seguanda parte tubo caracterizá polos errores de los porteros. A los pocos minutos una salida rara del porteru del Avilés un pocu ensin orientación foi aprovechá por Rodri que uso la picardía pa aprovechar la ocasión ya subir otru tantu nel marcaor llangreanu, celebración incluía de los xugaores na nuesa zona. Gol mui importante pa Rodri que dende´l partíu escontra´l Ciares nun había marcao.

Poco nos duró la alegría. A los pocos minutos un xugaor del Avilés tira dende´l mediu del campu aparentemente ensin pelligru ya´l balón cuelase misteriosamente na nuesa portería. Esto ya ye preocupante porque tol mundu metenos el gol de su vida, comu el xugaor aquel del Berrón…

Dende esi momentu l´Avilés apretó bastante pero tamién ye verdá que´l Llangréu tubo les oportunidaes más clares pa meter gol, comu una de Teto ya otra que nun foi capaz de rematar Miguélez. El partíu finó col conocíu 1-2 ya un bon partíu dende la mio opinión de los nuesos, que dominaron el partíu la mayor parte del tiempu ya demostraron porqué tan onde tan.

En lo que a la grada se refier los Galiana y los Azotaos dendicaronse más a facenos saludos facistes ya insultar al Llangréu qu´animar al propiu Avilés, que falta-y facía. Una vez más babayaes racistes a Kily, ya tamos entamando a cansanos de oír estes tonteríes nos campos de fúbol.

Al final del partíu los xugaores acordáronse de nos ya vinieron toos a aplaudinos pol desplazamientu fechu, uno más na nuesa cuenta. Dayos les gracies dende equí ya esperamos que sigan teniendo estos detalles, que bien que-i presten a tola xente que viaxe a ver al nuesu Unión.

Recoyimos los bártulos con cojín del Mundial 82 incluíu ya pa casa non ensin antes charrar un pocu colos collacios d´Avilés a los que dende aquí saludamos y damosyos les gracies por tar tola tarde con nos, sabéis que taís invitaos equí siempres que queráis.

Un saludu a tola xente que viaxó dende Llangréu, a los collacios de Herri Norte Avilés, ya vemonos en Sieru.

Salú ya la Caleya ye nuesa

[ volver ]