Na Caleya Sieru 13-05-06

Partíase dende Llangréu a eso de les 5 de la tardi del sábadu con direición a Valdesotu pa ver otru partíu más de los nuesos comu visitantes. Dempués de perar pol de siempre por culpa de una mala planificación en el llugar de quedada partiose rumbu a Valdesotu cola ilusión de poder tornar a ver ganar a los nuesos y cola sensación rara que te dexen los partíos de sábadu. Dempués de dar más vueltes de les normales en dalguna qu´otra retonda ya intentar localizar el “chalet de la virgen” (ensin consiguilo por ciertu) del compañeru trabayu de ciertu dixebriegu dirixímonos pa la entrada de Villarea onde pa variar cobraron-nos 10 €uros comu vien siendo habitual cuando vamos fuera casa (nun calculéis lo que yevamos gastao en entraes porque si non pue davos un infartu), otra vez la famosa “Entrada Única”. Dientru del campu ya taba dalgún qu´otru dixebriegu esperando y depués de comentar los desniveles del campu y de peritar la capacidá de la grada del campu entamo´l partíu. La cosa entamaba bien a pesar de que´l Unión tinía 4 baxes del equipu titular, col balón controláu polos nuesos y con una falta que Titi (non Teto como dixo la New Spain , haber si polo menos vaís al partíu ya esto tamién pué aplicaselo los del bar del Florán, equí tenemos pa toos) estrelló al llargueru dexando paráu al porteru sierolés. Además les aiciones poles bandes pusieron en tou momentu en “jaque” a la defensa del Sieru que veía comu yera desbordá xugá tras xugá tanto por Teto comu por Titi pero ensin demasiáu aciertu cara´l gol. Col resultáu inicial llegose´l descansu onde ciertu dixebriegu aprovechó la oferta de los morenitos conxelaos a 5 centimos pa aproviosionase pa tola seguanda mitá, ya pal restu la vida. El bar del campu de lo mexor de tola Tercera, teníen de too y taba muy bien decoráu pa ser un bar fuboleru, según la experta opinión d´un dixebriegu.

Cambiémonos de posición na seguanda mitá poniéndonos n´esta ocasión cerca la porteria onde atacaba el Unión y entamo de nuéu l´encuentru. El Llangréu siguía siendo superior ya los pocos mínutos una interná de Titi pola banda finá con un centru perfeutu que Lehendakari Lekumberri remata cola tiesta´l fondu la portería del Sieru marcando´l primer gol de Llangréu cola allegría de los llangreanos ellí presentes (munchísima xente desplaza dende Llangréu, too sea dicho). Pero l´allegría tornó minutos dempués con otra interná pola banda de Teto que Miguélez controla de cabeza pa dexaila a Viti Crouch y esti mete el segundu gol de los nuesos ya estrenase marcando cola elástica del Unión. De ehí al final del partíu el Llangréu relaxose un pocu pero teniendo de toles maneres el balón controláu siempres ya recibiendo munches y muy dures entraes de los xugaores sieroleses. L´arbitru de turnu comu siempre malísimu, y de los sos asistentes meyor nun falamos, eso si pa sacayos tarxetes a los nuesos nun se cortaba. Pocu antes del final gol del Sieru y pocu más reseñable del partíu salvo los 3 puntos que saco´l Unión siendo esta la cuarta victoria consecutiva.

Los xugaores n´esta ocasión olvidaronse de los aficionaos desplazaos fasta Valdesotu dende Llangréu, será que la pancarta ya les bufandes nun les vieron bien. Falto´l detalle de los xugaores, pero llevémonos los 3 puntinos que supondríen col empate del Uni el colideratu de la Tercera ya la clasificación matemática na promoción d´ascensu cola derrota del Caudal. Agora falten tres selmanes pa que llegue el primer desplazamientu fuera de tierres asturianes pa ver al nuesu equipu, ansí que l´Ayuntamientu ya pué dir pensando en poner o nun poner autobuses y nun dexaloo too pa última hora comu´l añu pasáu. De toles maneres ta claro que Dixebra tará ellí presente onde xuegue el Unión comu n´estos 10 años animando ya esperemos que cellebrando otra victoria más de los nuesos.

Salú ya la Caleya ye nuesa

[ volver ]