Na Caleya Uviéu (Cuadonga) 04-11-06

Otru partíu ya otru viaxe más pa los seguidores de esti equipu qu´esti añu nun mos ta dexando munches allegríes de momentu, por non dicir nenguna. Supongo que será esto polo que el númberu de dixebriegos desplazaos pa ver a los nuesos n´esta ocasión fue muy escasu, o tamién pudo ser que el partíu yera de sábadu a una mala hora pa un viaxe y la xente o curraba o tinía movides que facer, esperemos que nun se ripita esto n´esta temporá y podamos alentar a los nuesos nel mayor númberu posible.

Partímos pa Uviéu xustos de tiempu porque el de siempres llegó tarde (menos mal que los conductores ya entamen a adaptase a esos horarios) y destinu al Juan A. Rabanal cuantu más rápidu meyor ya intentando siguir les indicaciones recibíes en Llangréu pa llegar al “communnale” comu diríen los tiffossi. Una vez n´Uviéu a la aventura de buscar el malditu campu preguntando a los simpáticos lugareños onde taba: entre indicaciones de xóvenes ya vieyos, mil rotondes, mil caís que nun habíemos visto na vida, rises, y otres anécdotes típiques de los turistes perdíos lleguemos al famosu campu del Cuadonga. Entrá sub-23 y pa dientru a ver si podíemos ver ganar a los nuesos con un cuartu de hora ya consumíu del tiempu.

Ya ellí xuntamonos con los demás dixebriegos que habíen tenío mas suerte que nos en llegar al campu (suerte o que ya lu conocíen vamos) y na más llegar ya primera sorpresa de que ya vamos empataos a unos con gol del “gallegu”. Parecía qu´el partíu prometía goles y que podía ganase tranquilamente pero una vegada más equivocamos.

Los nuesos entamaron a empeorar el xuéu en cuantu llegamos nos al campu cola desesperación de los numerosos llangreanos ellí presentes y con esi 1-1 casi inicial llegose al descansu del partíu onde aprovechase a intentar dir al llar del campu que yera per piquiñu y taba petaísimu. Ellí fizonos gracia la foto del “Papa” cola bufanda del Cuadonga (viva el fotosó) que la verda ye que taba muy llográu. Tamién taba na paré una camiseta de Santi Cazorla dedicá pal Cuadonga. Una vez recoyíu el avituallamientu tiramos pa la zona onde atacaba el Llangréu na seguanda parte a ver si asina veíamos dalgún gol de los nuesos (de ilusiones vive…) rodéaos de la élite fubolística (Bango, Jankovic, José Manuel…) que pudieron ver comu nos desesperabemos col xuéu de los nuesos que lexos de les nueses ilusiones de que pudiera sacase el partíu adelantre tornaba a nun facer na ya a pasales putes, menos mal que Gonzalo tubo espléndidu baxo palos y sacó toles que pudo que si non otru gallu hubiera canciao.

Empate final (gracies a l´arbitru por haber anulao esi gol) ya pa casina a reposar l´empate tranquilinos. Comu bien dixo dalgún sociu del UPLL per ellí al salir del campu “ya nun ye no haber ganao, ye la imagen que dejes”, nun creo que tenga que añadir na más, asina pensamos la mayoría de los que domingu a domingu seguimos a esti equipu fechu pae ser pa “ascender”.

Que lleguen los bonos resultaos ya pol bien de toos y que el equipu entame a ilusionanos a toos con victories ya col buen xuéu. Hay historia ya equipu pa tar no más alto de la tabla y tien que caesenos a toos la cara de vergoña cuando vemos la tabla y vemonos na décima posición a 13 puntos del Caudal, nadie s´esperaba un principiu temporá asina y hay que ponese a curiar les heríes del principíu de temporá dende esti partíu ya, si non habrá que buscar dalguien que sepa facelo.

Bono collacios esperamosvos nel prósimu viaxe, será en Castrillón escontra´l Hispano, Dixebra Popular de xuru que nun fallará, esperemos que los nuesos tampoco

Salú ya la Caleya ye nuesa

[ volver ]