Na Caleya Villaviciosa (Lealtad) 27-08-06

Entamó la temporá dempués de muncho esperar y con les ganes típiques del primer partíu de lliga partiose a Villaviciosa a ver otra vegada más a los nuesos escontra un equipu que va tar de xuru nos puestos altos de la tabla pola bona plantilla que ficieron con xente de calidá que de xuru pondrannos per difícil finar la lliga na primera posición (esti añu nun teníemos que conformanos con menos).

Dende Llangréu dimonos cita en Las Callejas bastante xente con ganes de ver a les novedaes del equipu, xente xoven que puen daí la garra que i falta al Llangréu na promoción d´ascensu en tolos años y que de xuru pondrán mas ganes de les que poníen ciertes figurines de la plantilla del añu pasáu (y nun toy falando de un xugaor que ta esti añu nel Ciares). Na más llegar a les taquilles sorpresa agradable con les entraes (y más dempués del sustu que nos dio ciertu dixebriegu fuera diciéndonos que les entraes valíen 20 €uros ya que tornaben pa Llangréu porque nun diben pagar esi preciu, broma que pues creete tranquilamente dempués de que nos cobraran 12 €uros n´Uviéu escontra´l ACF nel partíu de Copa Federación, quiero más nun pensar lo que nos puen cobrar en plena temporá): división de años con cadete, xuvenil ya adultu (Puxa les entraes de xuvenil) y pa dientru´l campu onde ya nos esperaben bastantes dixebriegos. Dende Dixebra colgamos la mitá de la pancarta porque nun yera plan ocupar tola grada y entamo´l partíu cola ilusión de ver ganar a los nuesos ante uno de los “gallitos” de la categoría comu diz la New Spain , que por otra parte a ver si entamáis a diferenciar a los dos Jonases del Llangréu, Jonás Rozada ya Jonás G., el primeru el mediu centru ya el segundu el central, mayormente camentolo porque lleven confundiéndolos tola pretemporá, y eso que supuestamente van a los partíos.

La primera parte dominio claru del Lealtad ya con los nuesos un pocu dormíos lo que fizo que los que tabemos na grada también tubieramos los ánimos un poco fríos pero entre rises ya tonteries la primera parte fizose más llevadera porque el xuéu de los nuesos nun yera pa tirar munches flores, a pesar de too tuvose dalguna ocasión de gol.

Descansu pa dir a tomar fuercies (ya sea con bebides o comides varies) ya entama la seguanda parte con un unicu protagonista, el arbitruchu de turnu que n´esta ocasión quiso facese actor principal del partiú, el estimado ya entre toos nosotros Díaz Anzalone. Muncha mejoría nel xuéu de los nuesos y dominando ya al Lealtad con unes entraes pola banda muy buenes de Carly (que fizo muy bon partíu) y con un Juanín que entraba pol medíu del campu fasta´l área aunque ensin aciertu cara a portería. Una xugada de Saúl que plantase delante´l porteru, esti arroyalu y l´arbitru que pita penalti, muy discutíu entre los xugaores de Lealtad pero penalti al fin ya´l cabu. El propiu Saúl encargose de tranformalu y ojo a esti chaval que de xuru va dar muncho que falar porque veséi que va enchufar bastantes goles está temporá (ojalá seya asina). Pocos mínutos dempues el ex delanteru del Llangréu Eduardo Romeru tropieza solu nel área (ya cuando digo solu quiero dicir que el defensa llangreanu más cercanu taría a pocu menos d´un metru) y mientras entamabamos a reínos pola caída en solitariu, vemos que l´arbitru pita penalti cola sopresa de tol campu (xugaores, aficionaos, linieres ya cuerpos del Estau), l´unicu que vió el penalti el arbitru. El penalti supondría l´empate del Lealtad y el marcador nun se movería ya fasta´l final del partíu. Pero la cosa nun quedó ahí na más si non que Gustavo que taba calentando na banda recibió tamién una tarxeta roxa según el acta del partíu por llamalu “sunormal” cosa que paez ser que ye mentira. Amás d´esto l´arbitruchu tamién nos expulsó a Rufi ya enllenonos de tarxetas marielles, con xestu de chulería incluíu a la grada cuando i pediemos una tarxeta pa nos (somos celosonos Anzalone, que se va facer).

Final del partíu y los nuesos que que s´olvidaron un pocu de nos ya de la afición del Llangréu desplaza en xeneral porque nadie agradeció a la afición el desplazamientu a Las Callejas (notase que falta Kily que lo facía siempre, muncha suerte pa él nel Atlético dende equí), detalle que esperemos que nun se repita ya que facemos bastantes kilómetros tolos años siguiendo al equipu comu pa que nadie se entere que tas allí animando. Pa muchos perdimos dos puntos que ya taben ganaos y pa otros simplemente ganose uno importante nel campu d´un equipu que va ser rival nuesu tola temporá de xuru, y si non al tiempu.

Saludar dende aquí a tolos dixebriegos que nos desplazamos a Villaviciosa, a los de siempre ya les nueves cares que esperamos conviertanse en habituales nos partíos que el Llangréu xuega comu visitante onde de xuru, comu nestos 11 años ya, tara Dixebra Popular aunque lluéu nadie te reconozca los kilómetros y los animos que das dende la grada.

Salú ya la Caleya ye nuesa

[ volver ]