Na Caleya Xixón 24-09-06

Partíase pa Mareo a eso de les 11 de la mañana coles cares de sueñu habituales n´estos partíos matinales, unos pol doblete (San Mateo pasó factura entre los dixebriegos) ya otros por eso de madrugar (pa los que nun tan acostumbraos a dir a misa llevantase un domingu a les 11 de la mañana ye madrugar). Pol camín conversación habitual en tolos viaxes: "pa mi van xugar tal, tal y cual", "esti añu hay delantera pa meter goles", "pase el otru día pol Ganzábal y pusieron tal cosa nuéa", "van cobrános 10 €uros entrá única otra vez, ya lo verás" y demás coses pol estilu.

Na más llegar pará obligatoria na cagetería de Mareo: agües pa los del doblete y cafeses pa los madrugadores y dempués a mercar la entrá onde una vez más por si tovía esperabais otra cosa tornamos a ver el simpáticu cartelu de 10 €uros entrá única, los socios del Sporting tuvieron que pagar 3 €uros tamién. Na grandamucha xentuca, tanto de Llangréu comu de Xixón, incluíos los xugaores del primer equipu xixonés con Preciado en primera llinia muy atentos tol partíu al encuentru.

Teniendo en cuenta los últimos resultaos col filial esportinguista y lo mal que se nos da el campu númberu 1 de Mareo la verdá ye que entre los dixebriegos había un ciertu pesimismu repeutu al partíu. Entamaba el mesmu ya dende´l principiu entamaron les sorpreses: salten los nuesos cola nuéa seguanda equipación coles cares d´asombru entre los llangreanos con esa camiseta "arlequinada" comu diría la New Spain de collores blancu y verde que esperamos seya polos collores de la bandera de Llangréu y non porque a la nuéa marca catalan que viste al UPLL se y haya apetecío

Al pocu de entamar el partíu el primer sustu convertiriase nel primer gol del Sporting cola consiguiente desilusión de los llangreanos ellí presentes. Y comu nun hay una ensin dos la siguiente aición de pelligru del Sporting convirtiase nel incial 2-0 y ya tol mundiu pensábamos que nunca dibemos ver ganar a los nuesos n´esi campu.

Pero los xugaores nun se rindieron en nengún momentu y con mucha fuercia y con mucha garra entamaron a dominar claramente el partíu ya a tener ocasiones de gol a pesar del furu golpe recibíu col 2-0 pa los xixoneses. Enantes de finar el partíu Juanín haríanos a toos saltar con una ocasión que quedo solu delantre´l porteru pero que esti mesmu topó. La cabera oportunidá de recortar distancies tendríala Teto de fatla , esti dispara a puerta y el balón tras pegar nel poste ya nel porteru sportinguista colase dientru la portería suponiendo el 2-1 nel marcaor ya ilusionandonos ya a toos cola posible remontá.

Descansu pa reponer fuercies y cambiémonos de posición pa ver el ataque de Gustavo y Saúl mas de cerca. Entama la seguanda parte y los nuesos salen a morder y nun tarden muncho en facese col control del esféricu. Pasen los minutos y Gustavo cambi-y un balón a Carly (recién salíu al campu) que poni un centre prefeutu a Teto qu´esti mete dientru la portería del Sporting faciendo l´empate cola consiguiente allegría de tolos desplazaos y tamién de la plantilla.

Lexos de conformase col empate los nuesos siguieron apretando y frutu de esa presión consiguiose un corner que Teto centró pa que Ángel colocara´l balón nel fondu la porteria cola consiguiente remontá espectacular ya los abrazaos dientru del campu de los nuesos xugaores ya na grada de los llangreanos que nun creíamos lo que tabamos viendo.

De ehí al final del partíu nun pasó na importante y cuando pitó´l arbitru el final del partíu gran allegría de tolos llangrenaos ya en los xugaores por haber ganao tres puntos imporantísimos en un campu que nun se nos da bien ya a un equipu que nun conocía la derrota fasta que llegó´l Unión.

Destacar la GARRA que pusieron tolos xugaores del equipu, ningún de ellos se rindió en nengún momentu y llucharon pola victoria tol partíu a pesar de que les coses pusieronse per dificiles al principiu sudando la camiseta y na más que se yo pue dicir que un 10 n´esi sentíu, aunque aplaudir a los aficionaos que tolos domingos vamos a velos sigue olvidandoseyos a munchos.

Tornamos pa casa con una sonrisa na cara y cola tiesta puesta nel partíu de güei onde nos visiten vieyos conocíos como Noguerol o Lehendakari Lekumberri.

Salú ya la Caleya ye nuesa

[ volver ]